Thursday 16 February 2017

ಸಿಹಿ ಜೇನು


ಬಾ ನೋಡೋಣ ಜೊತೆಯಾಗಿ
ಹೂ, ಬಣದ ಪಾತರಗಿ-
ತ್ತಿಯ: ಕಣ್ಣು ಚಂದ, ಬಣ್ಣ ಚಂದ ;
ಹೂ ಪಾತರಗಿತ್ತಿಗಳೊಳಗೆಲ್ಲ ನೀ ಚಂದ.

ನಿನ್ನ ಕೆನ್ನೆಗೆ ಮುತ್ತಿಟ್ಟ ಈ ತುಟಿ
ನಿತ್ಯವೂ ಆ ಜೇನನೆ ಮೀಟಿ-
ಮನ ಹೂ ಬಣದಲ್ಲೆಲ್ಲ ನಿನ್ನೆ ನಿಲ್ಲಿಸಿ,
ತಬ್ಬಿ ನಿಂದಿಹೆನು ಬಣವೆ ನೀನೆಂದು ಭಾವಿಸಿ.

ಕಣ್ಣು ಮುಚ್ಚಿ ಸವಿದ ಮೊದಲ
ಜೇನ ಸಿಹಿಯನುಭವಿಸಿದ ತೊದಲ-
ಕ್ಷಣ, ಮರೆಯಬೇಕೆ ಸಹಜವಾಗಿ !
ಇರಲಿ ಸಾಯುವರೆಗೆ ನೆನೆದಾಗಲೂ ಹೊಸದಾಗಿ.

ಕಣ್ಣೊನಗಿ ಬತ್ತಿ ಹೋದರೂನು
ಆ ನಿನ್ನ ಮುದ್ದು ಮುಖದ ಬಿಂಬವನು-
ಮರೆತೀತೆ !!? ಹೇಳು ಓ ಹುಡುಗಿ;
ಬರುವೆ ಅದೆಂದು ನನಗೆ ವಧುವಾಗಿ ?

   ✍ ಸತೀಶ ನಡಗಡ್ಡಿ