'ದಲಿತ ದಲಿತ' ಎಂದು
ನಮ್ಮನ್ನು ಮತ್ತಷ್ಟು
ಮತಾಂಧರನ್ನಾಗಿ ಮಾಡಿ ;
ಇನ್ನೂ ಅದೆಷ್ಟು ದಿನ
ನಮ್ಮನ್ನು ಅಶಕ್ತರನ್ನಾಗಿಸುವಿರಿ ?
ಹುರುಪು ತುಂಬಿ,
ನಾವೂ ಮಾನವರೆಂಬ ಸ್ವಾಭಿಮಾನ
ಬಡಿದೆಬ್ಬಿಸಲು ಬರದೇ ನಿಮಗೆ ?
ನಮ್ಮಲ್ಲೂ ಶಕ್ತಿ ಇದೆ
ಛಲವಿದೆ, ಚಾರಿತ್ರ್ಯವಿದೆ,
ಅದಮ್ಯ ಅಭಿಮಾನದ ಕೆಚ್ಚು
ಎದೆಯೊಳಗೆ ಜ್ವಾಲಾಮುಖಿಯಾಗಿ
ಉರಿಯುತ್ತಿದೆ ಹಗಲಿರುಳು -
ಮತ್ತೆ ನಮ್ಮನ್ನು "ದಲಿತ"ರೆಂದು
ಹಿಯ್ಯಾಳಿಸಬೇಡಿ..
'ದಲಿತ' ಎಂದರೆ ಯಾರು ?
ದೌರ್ಜನ್ಯಕ್ಕೆ ಒಳಗಾದವನೆ ?
ದೌರ್ಜನ್ಯ ; ಯಾವ ದೌರ್ಜನ್ಯ ?
ಯಾರಿಂದ ದೌರ್ಜನ್ಯ ?
ಹೊಸದೊಂದು ವ್ಯಾಖ್ಯಾನ
ನೀಡಬೇಕಿದೆ ನಮಗಿನ್ನು :
'ದಲಿತ' ಎಂಬುದಕೆ.
✍ ಸತೀಶ ಉ ನಡಗಡ್ಡಿ