ಗರ್ಭದೊಳಗಿನ ಸ್ವರ್ಗ

ನನಗೊಂದೆ ಜನ್ಮ ಸಾಲದಮ್ಮ

ನಿನ್ನ ಋಣವ ನಾನು ತೀರಿಸಲು;

ಕನ್ನಡಮ್ಮನ ಪದಪುಂಜ ಸಾಲದಮ್ಮ

ನಿನ್ನ ಗುಣಗಾನ ಮಾಡಿ ಹಾಡಲು.

ಅನ್ನಂತ ನೋವುಗಳನುಂಡು

ಸಾಂತ್ವನದ ಸೋಲನುಂಡು ..

ಮೆಟ್ಟಿ ನಿಂತೆ ನೀ ನೋವಿನ ಗಂಟು !

ಈ ಜಗದಲ್ಲಿ ನೀನಿಲ್ಲದೇ ಏನುಂಟು ?

ನನಗೆ ಯಾವ ದೇವರಿಲ್ಲ,

ನೀನೇ ಇರುವಾಗ ಯಾಕೆ ಅವೆಲ್ಲ ?

ನವಮಾಸ ಹೊತ್ತು ತಿರುಗೆದೆಯಲ್ಲ,

ಆ ದೇವರಾರೂ ನಿನಗೆ ಸರಿಸಾಟಿಯಲ್ಲ.

ನಿನ್ನ ಗರ್ಭದ ಒಳಗಿನ ಸ್ವರ್ಗ

ಆಗರ್ಭ ಶ್ರೀಮಂತನಾದರೂ ಶೂನ್ಯ.

ನಿನ್ನ ಪ್ರೀತಿ-ಮಮತೆಯಲಿಲ್ಲ ವರ್ಗ

ಅಮ್ಮ, ಅವ್ವ, ತಾಯಿ - ನೀ ಅನನ್ಯ.

                                                 ✍ ಸತೀಶ ಉ ನಡಗಡ್ಡಿ.