ಏನೂ ಮಾಡಲು ತಿಳಿಯದ ನಾನು
ಅದೊಂದೆ ಧ್ಯಾನದಲ್ಲಿ ಮುಳುಗಿ,
ನಿನ್ನ ಸುತ್ತಲೇ ಸುತ್ತುತ್ತಿರುವೆ
ಬೋಂದಿ ಲಾಡುಗೆ ಹಠ ಹಿಡಿದ ಮಗುವಾಗಿ.
ಕಿವಿಯ ಹಿಡಿದೆಳೆದು ನೀ ನನ್ನ
ಬೇರಿನ್ನಾವುದೋ ಕೆಲಸ ವಹಿಸಿದರೆ;
"ಇಲ್ಲಿ ಕೇಳು ಚಿನ್ನ........."
ಎಂದು ಮೋಹದ ಬಾಣ ಹೂಡುವೆ ನೀರೆ.
ಹೊತ್ತು ಮುಳುಗಿತು,
ಸಂಜೆಯೂ ಆಯಿತು:
ಬೆನ್ನ ಹಿಂದೆ ನಿಂತು ಹೇಳುವೆ
"ಇನ್ನೂ ರಾತ್ರಿಯಾಗಲಿಲ್ಲವೆ ?"
ನಿನ್ನ ಭುಜದ ಮೇಲೆ ನನ್ನ ಮುಖ
ಸಕ್ಕರೆ ಡಬ್ಬದ ಸ್ಪೂನು ಡಬ್ಬದ ಸಖ !
ಮುಚ್ಚಿದ ಕಣ್ಣು ತೆರೆಯುತ್ತ ಸಣ್ಣಗೆ
ಮುತ್ತನಿಟ್ಟೆ ನೀ ನನ್ನ ಹಣೆಗೆ.
✍ ಸತೀಶ ಉ ನಡಗಡ್ಡಿ
No comments:
Post a Comment