"!?"

ನಾನೇನು ? ನೀನೇನು ?

ಅವನೇನು ? ಇವನೇನು ?

ಎಲ್ಲರೂ ಇಲ್ಲಿ ಅವರೇ.

ನಾನೂ ತಪ್ಪೇ, ನೀನೂ ತಪ್ಪೇ,

ಅವನೂ ತಪ್ಪೇ, ಇವನೂ ತಪ್ಪೇ,

ಎಲ್ಲರೂ ಇಲ್ಲಿ ತಪ್ಪಿತಸ್ಥರೆ.

ಮಾಡುವುದು ತಪ್ಪು,

ಆಡುವುದು ತಪ್ಪು,

ಮಾಡಿದವರನ್ನು ಕಂಡು 

ಆಡುವುವರದೂ ತಪ್ಪು;

ಮಾಡಿದ್ದನ್ನು ಕಂಡು

ಆಡಿದವರು ಆಡಿದರೆಂದು 

ಮಾಡಿದವರಿಗೆ ಹೇಳಿದವರಂತೂ

ಮಹಾನ್ ಘಾತುಕರೆ ಸರಿ.

ಅವರು ಮಾಡಿದರು,

ಇವರು ಆಡಿದರು,

ಇವನ್ಯಾವನೋ ಅದನ್ನು

ಅವರಿಗೆ ಹೇಳಿದ !!!

ಯಾವನೋ ಹೇಳಿದವನು

ಇಬ್ಬರಿಗೂ ಹಿತೈಷಿ: ಆದರೆ-

ಅವರೂ, ಇವರೂ ಈಗ ..?

ಬದ್ಧ ವೈರಿಗಳು. !!!!!!

ಅವರ್ಯಾಕೆ ಮಾಡಿದರು ?

ಅದು ಅವರ ತೆವಲು.

ಇವರ್ಯಾಕೆ ಆಡಿಕೊಂಡರು ?

ಅದು ಇವರ ತೆವಲು.

ಇವನ್ಯಾವನೋ ಮಧ್ಯವರ್ತಿ ಯಾಕಾದ ?

ಅದೇ ಅವನ ಜೀವನ. !!!!

     ✍ sun