ಮರ ಚಿಗುರಿದೆ ಮರ
ನಮ್ಮನೆ ಎದುರಿನ ಮಾಮರ.
ಹಸುರ್ಗೆಂಪು ಚಿಗುರೆಲೆ
ಮಂಜಿನಿಬ್ಬನಿಯ ನೀರೆಲೆ,
ಓಣಿಯ ಹಕ್ಕಿ-ಪಿಕ್ಕಿಗಳಿಗೆಲ್ಲ
ಇದೆ ತವರು ಮನೆ; ಯಾರೂ
ಪ್ರಶ್ನಿಸಿಲ್ಲ.
ಮೂಡಣದಿ ರವಿ ಮೂಡುತಲಿ
ನಸುಕಿನ ಚಳಿಯಲಿ ನಾದ ಚಿಲಿಪಿಲಿ,
ಮಲಗಿದ ಸೋಂಬೇರಿಯ ಕಿವಿಯಲಿ
ನಿದ್ದೆ ಕದಡಿದವನಾದ ವಿಲಿವಿಲಿ !
ಅದೆಷ್ಟೊಂದು ಭಿನ್ನ ಈ ಸೃಷ್ಠಿಯಲಿ..?
ಅಭಿವೃದ್ಧಿಯತ್ತ ನುಗ್ಗಿದ ಜಗ
ಸಂಶೋಧನೆಗಳ ಸಮರ ಸೂಜಿಗ
ಜಗದಗಲ ಮುಗಿಲಗಲಕ್ಕೂ ಈಗ
ಹೊಸತು ಹೊಸತೆಂಬುದರ ಸೋಗ
ಅಪ್ಪನ ಮೇಲಿನವ ಈ ಮಗ
ಮುರಿಯುತಿಹವು ಅವೆಷ್ಟೊ
ಬಾಳನೊಗ.
- ಸತೀಶ
ಉ ನಡಗಡ್ಡಿ
No comments:
Post a Comment