ನಿಮಗೇನು ಗೊತ್ತು
ನನ್ನ ಜನರ ಬಗ್ಗೆ..?
ಅವರೇನು ಅಸಾಮಾನ್ಯರಲ್ಲ.
ಶೂರರು, ವೀರರು,
ಕಡು ವೈರಿಗಳು;
ಅವರವರೊಳಗೆ ಆಗದವರು
ದೊಡ್ಡವರು, ಚಿಕ್ಕವರು
ಯಾರೊಬ್ಬರೂ ಎಲ್ಲಿಯೂ
ಯಾರೊಂದಿಗೂ ಹೊಂದಿಕೊಳ್ಳದ
ಹುಂಬರು ನನ್ನ ಜನರು.
ಆಡಂಬರದ್ದು ಅವರ ಮನ:
ಅವರಿಗವರೆ ಸರಿಸಮಾನರು....
ತಾಳ್ಮೆ ಇಲ್ಲದಂತಹ
ತರಾತುರಿಯವರು
ಇಲ್ಲವೇ, ಸೋಂಬೇರಿಗಳು.
ಮಾತಿನೊಳಗೆ ....
ಅವರೆ ಮಲ್ಲರು,
ಎಲ್ಲವನೂ ಬಲ್ಲ ಮೈಗಳ್ಳರು.
ಸಾರ್ವಜನಿಕ ಸ್ಥಳ- ಅವರ ಕಕ್ಕಸದ ಮನೆ.
ಮೂತ್ರ ವಿಸರ್ಜನೆ- ಚರಂಡಿ ಕಾಂಪೌಂಡು.
ಕಸದ ತೊಟ್ಟಿಯೋ ? ಅವರೆಸೆದ ಸ್ಥಳವೆಂದುಕೊ.
ಮಕ್ಕಳು,ಪಾಲಕರು,ವೃದ್ಧರು ಅಲ್ಲ. ಎಲ್ಲರೂ
ಪದೇ ಪದೇ ಹೇಳಬೇಕೇನು ?
ಸಿಡುಕರು, ಕೆಡುಕರು ಅಷ್ಟೆ ಅಲ್ಲ; ಕುಡುಕರು.
ಎಲ್ಲವೂ ಅವರಲುಂಟು ಗೊತ್ತೆ ?
No comments:
Post a Comment